M.Ben
Myugariro ukomeye wa Rayon Sports, Nizigiyimana Karim Mackenzie yaciye amarenga ko agiye gutandukana niyi kipe amazemo umwaka umwe nyuma yo kugaruka mu kibuga.
Uyu mukinnyi ukina nka myugariro wo ku ruhande rw’iburyo, yaciye aya marenga ku mukino wa nyuma wa shampiyona Rayon Sports yakinaga na Gasogi United ya KNC.
Nyuma yo kunganya igitego kimwe kuri kimwe na Gasogi United, Mckenzie yagiye ahari abafana ba Rayon Sports bari bake cyane arabasezera, aho ibi yakoze bimeze nko gusezera mu ikipe dore ko n’amasezerano ye yarangiye.
Bivugwa ko uyu mukinnyi atishimye mu ikipe ya Rayon Sports kubera ko bamushinjaga gutsindisha ikipe ya Rayon Sports, ndetse ngo yariye Ruswa ivuye muri Apr.
Mckenzie yageze muri Rayon Sports mu mpera z’umwaka ushize, aho yari yasinye umwaka umwe muri iyi kipe yambara ubururu n’umweru.
