Philcollens
Mvukiyehe Juvenal yamyojwe bikomeye n’umwe mu bayobozi yari amaze iminsi ajomba ibikwasi amwihenura avuga magambo adashimishije
Umuyobozi w’ikipe ya Kiyovu Sports Mvukiyehe Juvenal arimo kumyozwa n’uwo yari amaze iminsi avugiraho amagambo atari meza nubwo abakunzi b’iyi kipe babyishimiraga cyane.
Ku munsi wejo nibwo ikipe ya Rayon Sports yakinnye umukino wa nyuma n’ikipe ya Kiyovu Sports mu mukino wari ukomeye ariko ikipe ya Rayon Sports iza kwitwara neza ibona intsinzi y’ibitego 3-0.
Nyuma y’uyu mukino umwe mu bayobozi n’abafana ba Rayon Sports Muhawenimana Claude, yatangaje ko gukina na Kiyovu Sports ari nko kurya agasosi k’Ibihumyo kuko Niko ubanza kunywa mbere yo gufata ibiryo nyirizina.
Ibi yabitangaje kugirango yereke Kiyovu Sports ko kuyitsinda byari nko gutegura inzira yo kujya mu matsinda kuko ngo niho bahanze amaso dore ko tariki 15 Nzeri 2023, ari bwo bizaba bikomeye bakina n’ikipe ya Al Hilal Benghazi yo mu gihugu cya Libya mu mukino wa CAF Confederations Cup.
Ntabwo uyu muyobozi w’abafana ari we wagize icyo atangaza gusa, kuko na Perezida wa Rayon Sports Uwayezu Jean Fidel yatangaje ko badahiga n’ikipe yo mu Rwanda kuko ngo Rayon n’ikipe ikomeye imaze igihe Kandi itwara ibikombe. Kandi avuga ko bubaka Rayon Sports yo kuruhando mpuzamahanga kandi y’igihe kirekire apana ihangana n’ikipe hano mu Rwanda gusa.
Uwayezu Jean Fidel yatangaje aya magambo yishimye cyane ubona ko nawe yari arwaye kujomba igikwasi Mvukiyehe Juvenal wari umaze igihe kirekire amwigambaho ubwo babaga bagiye guhura.
