HARAGIRIMANA Dieudonne
Perezida wa Kiyovu Sport Mvukiyehe Juvenal wari warasezeye muri iyi kipe yongeye kwemererwa gukomeza kuyiyobora.
Hari hashize amezi agera kuri 2 Perezida wa Kiyovu Sport Mvukiyehe Juvenal asezeye kuri iyi mirimo kubera ko ngo intego yaje afite yabonaga atazazigeraho.
Nyuma yo gutanga ubwegure bwe, ku munsi w’ejo hashize tariki ya 20 ugushyingo 2022, muri iyi kipe hakozwe inteko rusange yiga kubibazo byose by’iyi kipe ndetse no kubwegure bw’uyu mu Perezida.
Muri iyi nteko rusange byahise byemezwa ko Juvenal akomeze kuyobora iyi kipe uko abyifuza kugirango iyi kipe ikomeze itange umusaruro mu kibuga ndetse no hanze yacyo.
Nyuma yaho Juvenal yemerewe gukomeza kuyibora Kiyovu Sport, yahise ashyiraho abayobozi bazamwungiriza ari bo Ndorimana Francois Regis niwe uzaba wungirije uyu mugabo ndetse na Mbonyumuvunyi Abdul Kharim ni perezida w’ungirije ushinzwe amarushanwa.
