HARAGIRIMANA Dieudonne
Perezida w’ikipe ya Kiyovu Sports Mvukiyehe Juvenal umuceri awumennye hasi ashyira hanze impamvu zimutera kwegura ku buyobozi bwa Kiyovu Sports maze abwiza ukuri abafana ba Kiyovu Sports.
Mvukiyehe Juvenal yavuze ko gushora imari mu mupira w’u Rwanda ari kimwe no kuyajugunya mu musarani yagize ati “Naje mu mupira y’amaguru nje gushoramo imari, gusa nasanze narajugunye amafaranga yange mu musarani.”
Ikindi kandi yavuze ko FERWAFA itazi iby’umupira kandi byayisaba igihe kirekire ku gira ngo iwumenye, na none avuga ko abafana ba Kiyovu Sports batazi iby’umupira ngo kuko Kiyovu Sports itsinda amakipe akomeye hano mu Rwanda ariko muri stade hakaza mbarwa
Ni mu kiganiro yagiranye na Radio Rwanda kuri uyu wa Kabiri aho yavugiye ibi byo kuba yarinjiye mu mupira w’u Rwanda aje kuwushoramo imari ariko akaza gusanga ari kuruhira ubusa.
