Kubwayo Mc croix
Perezida w’Urwego rw’Ikirenga rwa Rayon Sports, Muvunyi Paul, yatangaje ko abayobozi bashya batowe bagomba kwiyumvamo inshingano zo gukorera Ikipe nk’abagaragu b’Aba-Rayons. Ibi yabivuze nyuma yo gutangaza ko Rayon Sports ifite ibibazo by’ingutu, birimo amadeni arenga miliyoni 450 Frw, ibirarane by’imishahara, ndetse n’amafaranga yaguzwe abakinnyi.
Yagize ati, “Inzego zizakora zigamije gutahiriza umugozi umwe. Dusanze ibibazo by’ingutu, ariko tuzafatanya kubikemura.”
Uyu muyobozi yashimangiye ko intego ari ugushyira imbere ubufatanye mu nzego zose hagamijwe kuzahura Ikipe no kugera ku ntsinzi itajegajega mu mikino itegerejwe.
