Epaphrodite Nsengimana
Ikipe ya Liverpool yo mu Bwongereza yatsinzwe na Union St.Gilloise ikinamo umukinnyi w’ikipe y’igihugu Amavubi, Maxime Wenssens mu mikino ya Europa League.
Mu mukino usoza amatsinda ya Uefa Europe League, kuri uyu wa Kane tariki 14 Ukuboza 2023, mu itsinda E ikipe ya Liverpool yari yagiye gukina n’ikipe ya Union St.Gilloise yo mu Bubiligi.
Uyu mukino warangiye Union St.Gilloise itsinze Liverpool ibitego 2-1. Union St.Gilloise isanzwe ikinamo Umunyezamu w’Umunyarwanda, Maxime Wenssens wari ari ku ntebe y’abasimbura.
Yahamagawe bwa mbere mu Amavubi mu mikino iheruka Amavubi yakinnyemo na Zimbabwe ndetse na Afurika y’Epfo mu gushaka itike y’igikombe cy’Isi cya 2026, gusa ntabwo yigeze akinishwa.
