HARAGIRIMANA Dieudonne
Mu murwa mukuru w’igihugu cya Senagal ariwo Dakar hagaragaye abantu bishimiye igikombe mu buryo budasanzwe ndetse abandi bakaba banaraye mu mihanda bishimira igikombe cya mbere iyi kipe yabo yari itwaye.
Mu mukino waraye urangiye mu ijoro ryo ku cyumweru tariki 6 Gashyantare, ukaba wahuje ikipe ya Senegal ndetse na Misiri aho umukino warangiye ikipe ya Senegal itwaye igikombe kuri penarite 4 kuri 3.
Umukinnyi wahesheje iyi kipe ya Senegal igikombe akaba ari umukinnyi ukinira Liverpool ariwe Sadio Mane, mu gihe yari yabanje guhusha penarite yabonetse mu mukino hagati mu minota ya mbere umukino ugitangira, gutsinda penarite ya nyuma bikaba byahanaguye amakosa yari yakoze mu mukino.
Uyu mukino ukirangira abakinnyi bakaba bagaragaze ibyishimo bidasanzwe nyuma y’uko batwaye igikombe nyuma y’uko itsindiwe ku mukino wa nyuma mu mwaka wa 2019 aho yaje gutsindwa na Algeria, bakaba batashakaga guhusha ndetse no kudatwara umukino w’uyu munsi.
Uyu mukino ukaba wagaragayemo amahirwe menshi y’ikipe ya Misiri aho umukinnyi Mohammed Salah yaje gutera amashoti abiri yari akomeye ariko umunyezamu Eduard Mendy akaza kuyakuramo.
Ndetse umutoza akaba yagaragaje ibyishimo bidasanzwe kuko akiri umukinnyi iyi kipe itabashije gutwara igikombe ndetse uyu mutoza wa Senegal Aliu Sisse akaba yarahushije penarite ku munota wa nyuma.
Uyu mutoza akaba yari amaze imyaka Umunani ari umutoza wa Senegal aho yabashije kuba yakwihitiramo abamwungiriza, ndetse kuba yatwaye igikombe bikaba byahise bigaragaza ko abatoza b’abanyagihugu nabo bakomeye.
