Muri iyi minsi abagabo bari kugura imyenda y’imbere nk’abagura amasuka

Nyuma yuko umunyamideli Kim Kardashian ashyize hanze imyenda y’imbere igenewe abagabo ya ‘Skims’, iri kugurwa nk’amasuka mu gihe cy’ihinga.

Mu ntangiriro z’iki cyumweru ni bwo umunya-Brazil, Neymar JR yifashishije imbuga nkoranyambaga ze asangiza amashusho abamukurikira yambaye iyi myenda y’imbere ya Skims, maze munsi yaya mashusho abwira abantu ko iyi ari imyenda y’imbere myiza yo kujya bambara.

Ubu bwari uburyo bwo kuyamamaza kuko ari mu bifashishijwe kuyimurika. Nyuma y’iminsi ibiri gusa kuwa Kane ni bwo yahise ishyirwa ku Isoko ihita itangira no gukora amateka igurwa cyane.