Kubwayo Mc croix
Munyakazi Sadate, umwe mu bahoze bayobora Rayon Sports, yahaye ubutumwa bwihariye ikipe ya Musanze FC mbere y’umukino utegerejwe. Mu gihe Rayon Sports yiteguye guhura na Musanze FC, Munyakazi yagaragaje ko ubu Rayon Sports ifite ubumwe nk’imwe mu ngingo z’ingenzi nyuma yo kwiga ku byahise no kwiyunga kwa ba Rayon.
Yagize ati: “Icyumweru gishize twicaye tukiga, twigira ku hahise, twigira ku Rwanda, twigira ku bakuru bacu, maze dusanga nta yandi mahitamo dufite uretse UBUMWE.” Ubu butumwa bwa Munyakazi bugaragaza ubushake bwa Rayon Sports bwo kugendera hamwe nk’ikipe ikomeye kandi yiyunze.
Yakomeje avuga ko Musanze FC ari yo ikurikiye, kandi ko Rayon Sports yiteguye kwinjira mu mujyi wa Musanze n’icyizere cyo guhabwa ikaze, ndetse no kugaragaza ubumwe bugaruka ku kibuga. Yashimangiye ko iyi ntambwe yo kwiyunga ari ingenzi ku rugendo rwa Rayon Sports mu marushanwa.
