Munyakazi Bruce Melodie yazunguje ubwonko bwa benshi bibaza kubikorwa bye uyu mwaka -Shira amatsiko

Miliyoni zirenga 100frw mu mwaka umwe!Ni inde ny’ir’ukuboko kwa Zahabu kwihishe inyuma y’umuvuduko wa ‘Munyakazi’ ?

Gushyira hanze ibihangano umunani mu mezi 12 akifashishwa mu bindi birenga 7 inkomoko y’umuvuduko wa brucemelodie ni ikibazo kibazwa na buri muntu ukurikirana hafi imyidagaduro nyarwanda.

Uretse iby’ibihangano abantu benshi bibaza imvano y’umuvuduko uyu muhanzi yagaragaje mu 2022 wo gutaramira mu bihugu birenga 10 byo ku migabane itandukanye ku isi bikababyobera.

Kuva muri Leta Zunze Ubumwe z’Amerika akuruwe n’urukundo rw’uruganda rw’imyidagaduro nyarwanda mu mwaka umwe wonyine coachgaelk amaze kuba ikimenyabose kubw’ibikorwa bye biri kwigaragaza mu mpande zose.

Uyu mugabo abinyujije muri kompanyi yashinje ya (155am_entertainment) yahereye mu kureberera inyungu z’umuhanzi Bruce Melodie uri ku ruhembe rw’umuziki nyarwanda mu mikoranire yahereye mu gihugu cya Tanzania mu mpera za 2021.

Kuva umwaka wa 2022 watangira benshi  bamenye ko uyu mugabo amaze gushora amafaranga arenga miliyoni 100frw ku bihangano 8 by’umuhanzi Bruce Melodie utabariyemo ingendo z’akazi zizenguruka Uburayi, Afurika y’Iburasirazuba n’ahandi hatandukanye.

Aya makuru akomeza avuga ko muri uyu mwaka wa 2023 uyu mugabo w’umuhanga cyane mu bucuruzi bw’ikoranabuhanga yamaze kuzuza studio y’umuziki izajya ikorera indirimbo abarimo Bruce Melodie n’abandi ikaba imwe mu zifite ibikoresho bihenze mu gihugu.

2023 amakuru ahari yemeza ko Coach Gael umaze kwimariramo uruganda rw’imyidagaduro azakuba umuvuduko yakoresheje mu 2022 ndetse ko afite gahunda zo gushora imari mu bindi bikorwa by’ubucuruzi mu Rwanda.