M.Ben
Ikipe ya Mukura Vs yanditse amateka ikuraho agahigo ikipe ya Apr Fc yari ifite ko kumara imikino 50 idatsindwa, aho Mukura ibigezeho itsinze igitego kimwe ku busa bwa Apr Fc.
Wari umukino wakinwaga igice cya kabiri dore ko igice cya mbere cyari cyarangiye ku munsi wejo hashize, imvura inkanga ko hakinwa igice cya kabiri kimimurirwa uyu munsi.
Igice cya kabiri cyatangiye amakipe yombi aza afite gahunda yo gushaka igitego, aho Mukura yashakaga igitego cya kabiri mu Apr Fc yashakaga icyo kwishyura yari yatsinzwe.
Apr Fc yatatse ikipe ya Mukura Vs yari yasubiye inyuma kurinda igitego cyayo yari yabonye mu gice cya mbere.
Mugunga Yves ku ruhande rwa Apr yagiye ahusha ibitego ari imbere y’izamu, aho Niclas Sebwato ufatira Mukura yagiye akuramo iyo mipira Yves yateraga.
Ku munota wa 65 ikipe ya Apr Fc yakoze impinduka ebyiri aho Ishimwe Anicet na Yannick Bizimana baje gusimburwa na Tuyisenge Jacques na Manishimwe Djabel.
Apr Fc yakomeje gukora impinduka ishiramo abataka aho yaje kongeramo Nshuti Innocent na Nsanzimfura Keddy avanamo Mugunga Yves na Ruboneka Jean Bosco.
Apr Fc yari imaze kongeramo intwaro nshya yakomeje kwataka Mukura Vs, gusa ariko ba myugariro ba Mukura bari bayobowe na Ngirimana Alex babaye maso.
Mukura Vs nayo yongeyemo amaraso mashya ishyoiramo Matore Jean Piping.
Ku munota wa 89, mu kibuga hajemo akavuyo nyuma y’aho Lague yakoreye Djibirine. Djibirine yahise ahabwa ikarita y’umuhondo ya kabiri ahita ahabwa umuhondo.
Iminota 90 yagenwe n’amategeko yaje kurangira, umusifuzi wa kane ahita yongeraho iminota 7.
Apr Fc yakomeje kwataka ishaka igitego ariko Mukuru Vs ikomeza kugarira izamu ryayo neza.
Iminota 7 yari yongeweho yaje kurangira ikipe ya Mukura Vs ikiri imbere n’igitego kimwe ku busa bwa Apr Fc.
