Mujye gushaka ba so: Umugore yataye abana be batatu yabyaye ku bagabo batandukanye maze abasigira urwandiko rwuzuyemo amabanga akomeye cyane

Umugore wo mu karere ka Nyagatare yataye abana be batatu mu nzu maze abasigira urwandiko rubasaba kujya gushaka ba se.

Ibi byabereye mu murenge wa Rukomo, mu Karere ka Nyagatare aho abana batatu bafite imyaka 10 umukuru muri bo, umukurikiye afite imyaka 7, naho umuto afite imyaka 5, batawe mu nzu na Nyirakuru.

Nyina w’aba bana afite imyaka 30 aho yabyariye iwabo aba bana bose aho buri umwe afite se.

Uyu mubyeyi gito yaje gusiga abana aragenda aho yabasigiye Nyirakuru ni uko nawe aza kwimuka abata mu nzu.

Abaturage bavuga ko umwana umwe yamaze kubona se mugihe undi yagiye kwa se ni uko Sekuru aramwihakana avuga ko bagomba gupima ibizami bya ADN ko batapfa kwemera umwana gutyo.

Umuyobozi w’Akagali, Ntirenganya Paulin yavuze ko bagiye gushaka uko bafasha aba bana babashakira ba marayika murinzi.

Yakomeje avuga ko nyina w’aba bana ashobora kuba yarahungiye mu mu Karere ka Gatsibo.