Muhanga: urujijo ku rupfu rw’umugabo wasanzwe yitabye Imana ku muhanda.

Umugabo witwa Rukundo Célestin w’imyaka 34 y’amavuko yasanzwe yapfiriye hafi y’ingo z’abaturage mu Murenge wa Nyamabuye mu Karere ka Muhanga.

Uwo mugabo wari usanzwe akora akazi k’ubukarani mu Mujyi wa Muhanga bamusanze yapfiriye mu Mudugudu wa Rutenga mu gitondo cyo ku wa Kabiri tariki 14 Ukuboza 2021.

Amakuru avuga ko uwo mugabo ku mugoroba wo ku wa Mbere yari yasinze, aza guhura n’abanyerondo bajya kumucumbikishiriza mu rugo rw’uwitwa Habimana Antoine.

Umuvugizi w’Urwego rw’Igihugu rw’Ubugenzacyaha (RIB) Dr Murangira B. Thierry, yavuze ko batangiye iperereza ku rupfu rw’uwo mugabo kugira ngo hamenyekane icyo yazize.