Mugisha Samuel yegukanye agace ka mbere k’irushanwa ritegura Tour du Rwanda maze intsinzi ye ayitura umubyeyi we uherutse kwitaba Imana

Uyu musore uri mu ba mbere mu kwiruka ahazamuka, yasize bagenzi be 28 bari bahatanaga akoresheje amasaha 4:44’:27”.

Iri siganwa ni irya mbere muri abiri ategura Tour du Rwanda ya 2017, ryatangiye kuri uyu wa Gatandatu aho abanyonzi 28 bahagurutse mu Karere ka Nyanza berekeza i Rubavu mu ntera y’ibirometero 180. Kuri iki Cyumweru, abasiganwa bazazenguruka mu Mujyi wa Rubavu inshuro enye babone guhaguruka berekeza i Musanze aho bazakora intera ya kirometero 95.

Abakinnyi 28 baryitabiriye bazatoranywamo 15 bazahagararira u Rwanda mu irushanwa mpuzamahanga rya Tour du Rwanda 2017 biteganyijwe ko rizatangira tariki 12 Ugushyingo rigasozwa kuri 19 Ugushyingo 2017.

Mugisha Samuel wa Dimension Data niwe wabaye uwa mbere

Abafana bari benshi ku mihanda

Umutoza Sempoma Félix ashimira umukinnyi we, Mugisha Samuel

Mugisha azamura amaboko yishimira intsinzi ya mbere agize

Mugisha Samuel intsinzi ya none yayituye umubyeyi we uherutse kwitaba Imana

Mushisha ashimira Munyaneza Didier wamufashije kwegukana iri rushanwa

Se wa Mugisha (uhetswe kuri moto) yari yagiye gufana umuhungu we

Ndayisenga Valens yageze i Rubavu yacitse intege