“Mufite umiziki mwiza” Umu-Dj ukomeye muri Nigeria wakoranye na Bruce Melodie yatangariye muzika nyarwanda

Umunya-Nigeria Dj Neptune yageze mu Rwanda aho aje kwitabira isozwa ry’amarushanwa ya Dj’s Battle Competition rimaze igihe riri kuba.

Dj Neptune yageze mu Rwanda muri iki gitondo aho yahise agirana ikiganiro n’itangazamakuru aho yahise ahishura ko hari abanyarwanda bakoranye jmishinga na we.

Yavuze ko ubwo aheruka mu Rwanda yakoranye umushinga w’indirimbo na Bruce Melodie aho yavuze ko kandi mu minsi ya vuba uraba uri hanze.

Ati “Ubwo mperuka mu Rwanda nahuye na Bruce Melodie, hari ibyo twakoranye. Hari umushinga dufitanye ndetse hari n’abandi tukiriu kuvugana gusa bafite umiziki mwiza.”

Asoza avuga ko bidatinze tuzumva igihangano cye n’umuhanzi w’umunyarwanda. Ati ” Vuba aha uzumva igihangano gishya cyanjye n’umuhanzi wo mu Rwanda.”