Mu mukino w'imvura y'ibitego Real Madrid yatsikamiye ikipe iyitwariraho igikombe cy'Isi_ AMAFOTO

Ikipe ya Real Madrid isanzwe ikina shampiyona y’ikiciro cya mbere muri Espagne ( LaLiga) yegukanye igikombe cy’isi cy’Amakipe (Clubs World Cup) cya 2022 itsinze Al Hilal yo muri Arabia Saudite yari yahagarariye umugabane wa Asia.
Igikombe cy’isi cy’Amakipe (Clubs World Cup) cyari kimaze igihe kibera muri Morocco kikaba cyari igikombe cyahuriwemo n’amakipe yatwaye ibikombe by’imigabane bitewe naho abarizwa.

Real Madrid ( Los Blanco’s) ikipe ikomeje guhamya ubudahangarwa bwayo

Real Madrid yari yageze ku mukino wa nyuma nyuma yo gutsinda ikipe ya Al Ahly muri ½ n’aho Al Hilal yo igera ku mukino wa nyuma nyuma yo gutsinda Flamengo.
Izi kipe zacakiranye mu ijoro rya keye umukino ubera kuri Prince Moulay Abdellah Stadium utangira saa tatu z’ijoro.

Al Hilal yari yahagarariye umugabane wa Asia

Real Madrid yaje kunyagira Al Hilal ibitego bitanu kuri bitatu. Ibitego bya Real Madrid byatsinzwe na Vinicius Jr watsinze ibitego bibiri ku munota wa 13 na 69, ikindi gitsindwa na Fede Valverde ku munota wa 18 na Karim Benzema watsinze ku munota wa 54.

Vinicius Jr umaze guhamya ubuhanga bwe muri Ruhago

Ibitego bya Al Hilal byo byatsinzwe na Vietto watsinze bibiri ku munota wa 64 na 79 naho Marega atsinda kimwe ku munota wa 26.
Umukino urangira Real Madrid yegukanye igikombe cy’isi cyayo cya gatanu,icya 2014, 2016, 2017, 2018 n’icya 2022. Icyi gikombe Real Madrid yegukanye kikaba cyabaye igikombe cy’ijana yatwaraga muri rusange.
AMAFOTO: