Mu mpanuka yabaye abantu 14 bahasize ubuzima abandi 26 barakomereka

Abantu bagera kuri 14 barapfuye abandi 26 barakomereka mu gitondo cyo ku Cyumweru nyuma y’aho bisi irenze umuhanda mu karere ka Lindi mu majyepfo ya Tanzania, nkuko byatangajwe na polisi.

Umuyobozi wa polisi mu karere ka Lindi, John Imori, yavuze ko 12 mu bapfuye bari abagenzi bari muri iyo bisi n’abandi bantu babiri bagendaga n’amaguru. 

Mu kiganiro n’abanyamakuru  yavuze ko ku cyumweru mu gitondo iyo bisi yari yerekeje i Dar es Salaam ivuye mu karere ka Tandahimba muri Mtwara, ikaza kurenga umuhanda igeze mu nzira.