Mu mafoto twinjirane mu mukino Al Nassr ya Cristiano Ronaldo yaraye yigobotoye Al Batin kuri hamana

Mu ijoro rya keye ikipe ya Al Nassr isanzwe ikinwamo na kizigenza Cristiano Ronaldo, yarakinaga n’ikipe yitwa Al Batin mu mukino w’umunsi wa 19. Muri shampiyona y’ikiciro cya mbere muri Arabia Saudite.

Al Nassr ya Cristiano Ronaldo yagombaga gutsinda uwo mukino kugira ngo ikomeze ishyiremo ikinyuranyo kinini hagati yayo na Al Ittihad.

Al Nassr muri uwo mukino yaje kuva inyuma itsinda ikipe ya Al Batin by’umwihariko kubufasha yahawe n’umusifuzi wongeyeho iminota 12 ubwo iminota 90 isanzwe y’umukino yari yarangiye Al Nassr yatsinzwe igitego kimwe ku busa.

Muri uwo mukino Al Batin yari yatsindiwe na Renzo Lopez ku munota wa 17 , ariko bageze mu minota y’inyongera Al Nassr irayivumbukaka kuko yatsinzemo ibitego bitatu byatsinzwe na Abdul Rahman Ghareeb , Mohammed Al Fatil na Mohammed Maran.

Ubu Al Nassr iyoboye urutonde rw’agateganyo rwa shampiyona n’amanota 46, igakurikirwa na Al Ittihad n’amanota 44 ndetse na Al Shabab n’amanota 40.