Mu ishuri rya GS Sheli abanyeshuri biga bicaye hasi nta ntebe bagira

Mu karere ka Kamonyi mu kigo cy’amashuri cya Sheli, abana biga bicaye hasi kuri sima kubera ubucye bw’intebe.

Iki ni ikibazo cyigaragazwa na bamwe mu barerera muri iki kigo kuko cyibangamye cyane yaba ku buzima bw’umwana ndetse n’ireme ry’uburezi muri rusange.

Mu ishuri rya GS Sheli abanyeshuri biga bicaye hasi nta ntebe bagira kandi baracucitse.

Si ikibazo cy’intebe gusa ahubwo hanagaragara ikibazo cy’umubare mwinshi w’abana mu ishuri rimwe, ibintu bituma abarezi baba batabasha gukurikirana neza abo bana.

Mu ifoto yasangijwe ku mbuga nkoranyambaga, yerekana mwalimu ari imbere ku kibaho ari kwigisha mu gihe igihande kimwe cy’abanyeshuri baba babyiganira ku ntebe nke ziba zihari mu gihe abandi bo mu kindi gihande baba bicaye hasi kuri sima.