Mu ijwi ryuzuyemo akababaro Theo Bosebabireba avuze ku mafoto ye yasakaye yasinze

Umuhanzi Theo Bose babireba yavuze ku mafoto yasakaye ku mbuga nkoranyambaga amugaragaza ameze nk’uwasinze avuga ko abantu bakoreshwa n’imbaraga zumwijima aribo babikoze ngo bamuharabike.

Theo Bosebabire avuga ku ifoto yamugaragaje asa n’umuntu wasinze.

Yavuze ko ari imbaraga z’umwijima zakoresheje abantu babimukoreye , asobanura ko bayimufotoye atabizi ubwo yari avuye mu gitaramo imvura yaguye yugamye ahantu.

Mu magambo ye Theo Bosebabireba yagize ati:”Iyi si turimo ibamo ubwami bubiri buhanganye, ibamo ubwami bw’umwijima bwa satani n’ubwami bw’Imana, rero nta muntu wanga undi wamwifuriza ibyiza.”

Uyu mugabo uririmba indirimbo zo kuramya no guhimbaza Imana avuga ko yari avuye mu gutaramo i ndera, imvura yagwa akajya kugama, abantu bakamwifotorezaho bakamuterekaho n’amacupa y’inzoga bagambiriye kumusebya.