M.Ben
Mu ijoro ryakeye habaye impanuka ikomeye cyane y’imodoka itwara abagenzi mu buryo bwa rusange yasekuye ingiga z’ibiti benshi bahatakariza ubuzima.
Iyi mpanuka yabereye mu gihugu cya Uganda aho imodoka yari itwawe n’umushoferi wungirije, Kawawu Dauda yagonze indi modoka yari ihagaze ifite nimero ya UAV 326W yo mu bwoko bwa Mercedes Benz.
Iyi modoka yari itwaye abagenzi yasekuye indi yari yikoreye ingiga z’ibiti aho byabaye mu ijoro ryo ryakeye ahagana saa moya zishyira saa mbiri.
Umushoferi wa bisi, Kawawu Dauda, yapfiriye aho impanuka yabereye. Abandi bakomeretse bahise bajyanwa mu bitaro bya Kyenjojo kugira ngo bavurwe.
Amakuru ahari ni uko hari abandi baburiye ubuzima bwabo muri iyi mpanuka gusa Polisi ntabwo yari yatangaza ko hari undi muntu wabuze ubuzima nyuma ya Kawawu Dauda wari utwaye imodoka.
