Mu ibanga rikomeye, umuhanzi Igor Mabano yasezeranye kubana akaramata n’umukunzi we.

Umuhanzi Igor Mabano yasezeranye imbere y’amategeko n’umufasha we, ibirori byari byaragizwe ibanga rikomeye kuko uyu muhanzi atigeze yifuza ko bijya mu itangazamakuru.

Amakuru avuga ko uyu muhanzi yasezeranye n’umukobwa bari bamaze igihe bakundana icyakora kubera impamvu zitandukanye ngo umukobwa yasabye Igor Mabano ko bitaba ibintu byo mu itangazamakuru.Ni umuhango wabereye ku biro by’Umurenge wa Kimihurura kuri uyu wa Gatanu tariki 27 Kanama 2021.

Nta makuru menshi azwi ku mukobwa ugiye kurushinga na Igor Mabano.Uyu muhanzi akimara gusezerana n’umukunzi we yahise ashyira hanze indirimbo ye nshya yise “Ntakosa”