M.Ben
Mu buryo butunguranye byagaragaye ko umunsi Rayon Sports ikina na Kiyovu abakinnyi ba Rayon Sports bari bambaye amakabutura adasa.
Umunsi wo ku wa Gatanu tariki 11 Ugushyingo 2022, ikipe ya Kiyovu Sports ni bwo yongeye gutsinda Rayon Sports mu mukino w’umunsi wa Cyenda wa shampiyona.
Abakinnyi b’ikipe ya Rayon Sports, ubwo batsindwaga n’ikipe ya Kiyovu Sports mu mukino w’umunsi wa Cyenda wa shampiyona, bagaragaye bambaye amakabutura adasa.
Abo bakinnyi ni Iraguha Hadji, Mitima Isaac, Mugisha François na Ngendahimana Eric. Amakabutura bari bambaye, ntabwo yariho ibirango by’umufatanyabikorwa wabo [Canal+] ndetse nta na nimero zari ziriho nk’uko byari bimeze kuri bagenzi babo.
Mu minsi ishize, Umuvugizi wa Rayon Sports yavuze ko imyenda mishya y’iyi kipe yatumijwe kandi iri hafi kuza ariko ntiragera mu Rwanda.
Mbere yo gukina na Kiyovu Sports, hari amakuru yavugaga ko iyi kipe izakinisha imyenda mishya ariko si ko byagenze.
