Moses Turahirwa akomeje gukina ibisa nk’ikinamico

Nyuma y’amasaha make Turahirwa Moses asezeye imirimo yo kuyobora inzu ye ikora imideri ya Moshions, yamaze gutangaza ko yasubiye mu mirimo ye.

Nyuma y’uko ashyize hanze ifoto yambaye mu buryo butangaje, igasamirwa hejuru na benshi bikarangira avuze ko asezeye imirimo yo kuba umuyobozi wa Moshions yambika abakomeye mu Rwanda no hanze, uyu musore yaje kwivuguruza.

Mu butumwa ashyize kuri Twitter ye mu minota mike ishize yagize ati “Ndakomeza mbe umuyobozi mukuru wa Moshions, nishimiye kandi kwakira abanyamideri bashya kugirango bagire uruhare mu iterambere ry’uruganda rw’imideri”.
Icyari cyateye abantu urujijo n’isezera rya Moses Turahirwa muri “Moshions” kandi ari inzu ye yashinze mu myaka isaga itanu ishize.

Icyakora abenshi bavuze ko ari igitutu cy’iriya foto cyane ko iyi nzu yambika abantu bakomeye mu gihugu no hanze yacyo.