THIERRY Mugiraneza
Ikipe y’igihugu ya Morocco iracakirana n’Ubufaransa kuri uyu wa gatatu mu mukino wa 1/2 mu gikombe cy’isi.
Isi yose itegereje kureba niba Morocco igeze muri 1/2 bwa mbere mu mateka yayo ndetse n’amateka y’Afurika niba izabasha guhangamura Ubufaransa igihugu kizwi mu mupira w’amaguru ku isi ndetse kimaze no kwegukana Ibikombe by’isi bibiri.
Ibyo wamenya mbere y’uko aya makipe acakirana:
-Morocco yagize urugendo ruremereye cyane kugirango yisange muri 1/2, Morocco yatangiye imikino yo mu matsinda inganya na Croatia ubusa ku busa. Morocco mu mukino wa kabiri wo mu itsinda F yacakiranye n’Ububirigi , Morocco itsinda ibitego bibiri ku busa bw’Ububirigi, umukino wa gatatu wo mu itsinda Morocco yatsinze Canada ibitego bibiri kuri kimwe.
_ Morocco yaje kuva mu itsinda F ari iya mbere iza gucakirana na Espagne mu mukino wa 1/8 aho byanganyije ubusa ku busa Morocco igakomeza isezereye Espagne kuri penaliti.
_ Morocco mu mukino wa 1/4 yacakiranye na Portugal ya Cristiano Ronaldo maze Morocco itsinda igitego kimwe ku busa ibona n’itike ya 1/2.
Aho igikombe cy’isi kigeze ubu Morocco n’iyo kipe ifite ubwugarizi bwiza kuko mu mikino yose yakinnye yinjijwe igitego kimwe gusa mu gihe yo yinjije ibitego bitanu.
Ubufaransa bwo bugeze muri 1/2 mu Rugendo rwari rugizwe nibi:
Ubufaransa bwari mu itsinda D, Ubufaransa bwatangiye bukina na Australia, Ubufaransa butsinda ibitego bine kuri kimwe nyuma bwaje gukurikizaho Denmark buyitsinda ibitego bibiri kuri kimwe. Mu mikino y’amatsinda Ubufaransa bwayishoje butsindwa na Tunisia igitego kimwe ku busa.
_ Muri 1/8 Ubufaransa bwakuyemk Pologne nyuma yo kiyitsinda ibitego bibiri kuri kimwe.
_ Muri 1/2 Ubufaransa bwasezereye Ubwongereza nyuma yo gutsinda ibitego bibiri kuri kimwe.
Ubufaransa n’imwe mu makipe afite ubwugarizi bujegajega kuko mta mukino n’umwe butinjijwe igitego mu gikombe cy’isi.
Abakinnyi bashobora kuzabanzamo ku mpande zombi:
Morocco XI: Bono; Hakimi, El Yamiq, Saiss, Attiat-Allah; Amrabat, Ounahi, Amallah; Ziyech, En Nesyri, Boufal.
Ubufaransa 11 ; Lloris ,Koundé, Varane, Upamecano, Theo Hernández; Griezmann, Tchouaméni, Rabiot; Dembélé, Giroud na Mbappé.
Uyu mukino uzakinwa kuri uyu wa gatatu ku isaha ya saa tatu z’ijoro ubera kuri Al Bayt Stadium ukaba usifurwa na Cesar Ramos umusifuzi ukomoka muri Mexico.
