Philcollens
Miss Uwase Muyango yashyigikiye abanyamakuru bavuga nabi umugabo we Kimenye Yves kubera ikintu gikomeye bimufasha
Umugore wa Kimenye Yves ukinira ikipe ya AS Kigali ndetse n’ikipe y’igihugu y’u Rwanda Amavubi Uwase Muyango yashyigikiye abanyamakuru bajya bavuga nabi uyu mugabo we kubera ko ngo bimufasha kongera kwisubiraho mu mikinire ye.
Uwase Muyango ibi yabitangaje mu kiganiro yagiranye na Radio 10 kuri uyu wa gatatu tariki ya 6 Nzeri 2023. Uyu mu mama w’umwana umwe yabyaranye na Kimenye Yves yaje gutangaza ko iyo abanyamakuru bavuze umugabo we igihe yakinnye nabi we abifata nko kuba ushobora gukora ikosa mu muhanda umuporisi akakubwira nabi Kandi nta rwango agufitiye.
Ibi abanyamakuru baba bamuvuzeho mu gihe yakinnye nabi ngo bimufasha kuba yakongera kumera neza mu mupira w’amaguru kugirango ubutaha atazigera yongera kuvugwa cyane nkuko baba bamuvuze, kandi ngo arabashyigikiye bifasha abakinnyi bakisubiraho.
Miss Uwase Muyango usanzwe akora kuri Television igezweho muri iyi minsi yitwa ISIBO TV, muri iki kiganiro yanatangaje ko yaje afite ubwoba bwinshi kuko ngo abantu bamubwiraga ko agiye kuganira n’abanyamakuru bakomeye kandi batagira ibanga iyo bageze kuri mikoro cyane mu mikino basanzwe bavuga.
