Miss Naomi Ishimwe yavuze ikintu umukunzi we akunze gukora mu bantu cyikamutera isoni (AMASHUSHO)

MIss Ishimwe Naomi umaze igihe aryohewe n’urukundo n’umukunzi we Michael ukomoka mu gihugu cya Ethiopia ,yavuze ikintu gikomeye umukunzi we ajya akora kikamutera isoni ariko kandi kikanamushimisha cyane ko ngo atari kibi.

Ubwo mu ijoro ryo kuri iki cyumweru bari mu kiganiro imbonankubone (LIVE) ku rubuga rwa instagram ya Naomi ,barimo barizihiza isabukuru y’umwe mu bo mu muryango wa Naomi , Michael umukunzi wa Miss Naomi  yabonye bamwe mu bantu yatekerezaga ko ari abo mu gihugu cye yihutira kujya ku basuhuza n’ubwo batari baziranye.

Naomi akibona Michale agiye gusuhuza abo bantu yahise  abwira abari babakurikiye muri icyo kiganiro , avuga ko inshuro nyinshi ,uyu mukunzi we iyo abonye abanya Ethipian yihutira kujya kubasuhuza niyo yaba atabazi ,ngo gusa kuko aba abona ari abo mu gihugu cye bikaba.

Ibi rimwe na rimwe ngo bitera Naomi isoni n’ubwo ku rundi ruhande atari bibi ,abona ari byiza.