HARAGIRIMANA Dieudonne
Agasaro Nadia Faridi, umugore w’umuraperi Gatsinzi Emery uzwi nka Riderman yashimagije umugabo we maze amushimira uburyo yita ku mwana wabo ku munsi wahariwe ababyeyi b’abapapa.
Kuri iki Cyumweru tariki 21 Kamena 2020 nibwo hizihijwe umunsi w’ababyeyi b’abagabo hazirikanwa uruhare bagira mu buzima bw’umuryango.
Miss Nadia nawe ntiyahishe amarangamutima ye maze avuga ibigwi umugabo we ,Riderman, bafitanye umwana umwe w’umuhungu, mu butumwa yasangije abamukurikira ku rubuga rwa Instagram.
Yagize ati “Igihe nzaba ngihumeka ntabwo nzareka kugushimira ibyo ukorera umuhungu wacu w’igikundiro. Uri Intwari ye kandi bisobanuye byinshi ku miryango wacu. Nta cyiza cyambayeho nko gusangira ubuzima no kurerana na we mukunzi…Ikinezeza kurushaho ni uko uko agenda akura arushaho gusa nawe. Ndizera ntashidikanya ko azaba imfura nka se.”
