Miss Mutesi Jolly yeretse abafana be ko yiteguye neza umunsi w’abakundana uzwi nka Saint Valentin

Mu gihe Saint Valentin ibura iminsi mike ngo igere bamwe mu bakobwa b’ibyamamare hano mu Rwanda batangiye gutitiza imbuga nkoranyambaga kubera ukuntu batagiye guca amarenga ko bayiteguye neza cyane.

Kuri uyu wa Gatandatu tariki ya 5 Gashyantare 2022 nibwo hari hatahiwe intara y’amajyepfo mu gushakisha abakobwa bazitabira irushanwa rya Miss Rwanda 2022. Mutesi Jolly uri mu bagize akanama nkemurampaka muri iryo rushanwa yagiye muri iyo ntara yambaye ikanzu yaje kuvugisha igitsina gabo amangambure.

Mutesi Jolly wabaye Nyampinga w’u Rwanda mu mwaka wa 2016, yari yambaye ikanzu ifite ibara ry’umukara ririmo n’uturongo dufite ibara ry’unutuku. Ayo mabara yose tumaze kuvuga amenyerewe kwambarwa ku munsi w’abakundana uzwi nka Saint Valentin.

Bamwe mu babonye iyi foto bagiye batanga ibitekerezo bigiye bitandukanye aho bagarukaga ku buranga bw’uyu mukobwa mu gihe abandi biganjemo igitsina gabo bagarukaga ku munsi wa Saint Valentin.

Mutesi Jolly akomeje gushyira bamwe mu bakunzi be mu rujijo kubera ko mu minsi ishize yari yavuze ko nta mukunzi agira, nono kuri uyu munsi akaba yagaragaye yambaye imyenda isa nkiri gutegura umunsi w’abakundana.

Mu cyumweru gishize nibwo uyu mukobwa yahakanye ko afite umukunzi aho yabitangaje mu makuru ya Radio Rwanda yo ku mugoroba.