Miss Igisabo yigereranyije na Paccy kwifotoza yambaye ubusa, umva icyo yabivuzeho

Miss Hirwa Honorine wamenyekanye cyane mu marushanwa ya Nyampinga w’U Rwanda 2017 ubwo yasubizaga umwe mu banyamakuru akamwerurira ko umunyarwandakazi ari uteye nk’igisabo kuva ubwo agahita ahabwa akazina ka Miss Igisabo bikaba byaranamuhesheje amahirwe yo kwegukana ikamba rya Nyampinga ukunzwe kurusha abandi (Miss Popularity 2017). Miss Honorine nawe yagize icyo avuga ku kwifotoza kwa Oda Paccy yikinze ikoma ku myanya ndagagitsina ye.

Nkuko yabitangaje ku ifoto Uncle Austin yashyize hanze nawe yikinze ikoma, Miss Honorine yavuze ko we aramutse yifotoje yambaye ubusa ikoma rimwe ritamukwira ngo kereka azanye nk’igitoki cyose akaba aricyo yikingaho. Mu magambo ye bwite, Miss Honorine yagize ati: “Naho njye ikoma ryankwira kereka dutuye hasi urutoki rwose rwo mu Rwanda. Reka abafite ibibakwira biyerekane”.