HARAGIRIMANA Dieudonne
Milton Kalisa yamaze kumvikana n’ikipe ikomeye hano mu Rwanda nyuma yo kuvugwa muri APR FC ariko ubuyobozi ntibumuvugishe
Rutahizamu w’umugande Milton Kalisa wavugwaga muri APR FC yamaze kumvikana n’indi kipe bihora bihanganye.
Hashize iminsi hano mu Rwanda hari amakuru avuga ko ikipe ya APR FC iri mu biganiro na Milton Kalisa ariko benshi bagategereza ko ahabwa ubutumire ngo aze gusinya amaso agahera mu kirere.
Amakuru YEGOB twamenye ni uko kuri ubu uyu rutahizamu Milton Kalisa usanzwe akinira ikipe y’igihugu y’ubugande yamaze kumvikana na Kiyovu Sports ndetse anategerejwe hano mu Rwanda vuba bidatinze gushyira umukono ku masezerano.
Ntabwo ikipe ya Kiyovu Sports igiye kuzana uyu musore gusa ahubwo biravugwa ko na Emmanuel Anord Okwii nawe yamaze kwemerera Mvukiyehe Juvenal kuzakinira iyi kipe nyuma yo kuyivamo ntakibazo afitanye n’ubuyobozi bw’iyi kipe.
