Messi yashyiriweho amafaranga menshi akubye aya Cristiano ngo nawe yerekeze muri Saudi Arabia

Bikomeje kuvugwa Jorge Messi ariwe papa wa Lionel Messi yaba ari i Riyadh mu murwa mukuru wa Saudi Arabia, aho yaba yagiye kuganira n’ikipe ya Al Hilal yifuza kuzana Messi ikajya imuha miliyoni 245 z’amapawundi ku mwaka.

Lionel Messi uherutse kwegukana Igikombe cy’isi afite amasezerano mu ikipe ya PSG izarangira muri Kamena 2023, akaba ariho Al Hilal iri guhera ikumva ko kumuzana bishoboka.

Inkuru y’ikinyamakuru Mundo Deportivo ivuga ko iyi kipe ishaka kujya imuhemba miliyoni 300 z’amadorari ku mwaka, ndetse ngo ashobora kubitekerezaho akajyayo n’ubwo bivugwa ko yemereye PSG kongera amasezerano.