Moïse Habanabashaka
Menya byinshi ku isaha ya Samsung igiye kujya itanga amakuru ajyanye n’ubuzima bw’imyororokere ku mugore uyambaye.
Isaha ifite izina rya Samsung Galaxy Watch 5 igiye kujya itanga amakuru ajyanye n’ubuzima bw’imyororokere ku mugore uyambaye, nyuma y’uko ikoranabuhanga ryayo rivuguruwe rikongerwamo ibijyanye no gupima ubushyuhe.
Iyi saha ikoranye ikoranabuhanga ribwira uyambaye ubushyuhe bw’umubiri we ndetse Samsung yagiranye imikoranire na porogaramu yitwa Natural Cycles isanzwe itanga amakuru ajyanye n’ubuzima bw’imyororokere.
Ubu umugore uyambaye azajya abona amakuru y’ubuzima bw’imyororokere aturutse ku bipimo bizajya bifatirwa ku kuboko.
Ntabwo Samsung yasobanuye mu buryo bwimbitse uburyo ibijyanye n’imihango bizajya bipimwa.
Ubusanzwe ikoranabuhanga ritanga amakuru ajyanye n’uburumbuke, rikora mu buryo butandukanye gusa iyi saha ikorwa n’uruganda rwa Samsung yo irihariye.
