“Mbega akabebe keza! Ntabwo twari tuzi ko uzi guterura umwana” ifoto ya Element Eleéeh ataruye umwana yaciye ibintu(Amafoto)

Umusore utunganya umuziki witwa Fred Robinson Mugisha uzwi ku mazina ya Element Eleéeh mu myidagaduro nyarwanda ifoto ye ateruye umwana yavugishije benshi ku mbuga nkoranyambaga.

Uyu musore Element mu minsi yashize yashyize hanze ifoto ari kumwe n’abana bato babiri bari kwifotozanya, nyuma yarongeye ashyira hanze indi foto ateruye akana gato k’agakobwa.

Ababonye iyo foto bazamuye imbamutima zabo maze baravuga koko batangira kwibaza aba bana ababyeyi babo abandi bakavuga ko uyu musore azi gutura umwana gusa bitewe n’ukuntu we n’akabebe yari ateruye barebaga muri telefone cyane abantu bibajije icyo barebaga muri iyo telefone.

Uyu Element amaze kwandika izina mu muziki nyarwanda dore ko nta muhanzi n’umwe ukomeye mu Rwanda atarakorera indirimbo, ubu yatangiye no gukorera indirimbo abahanzi batandukanye bo hanze yu Rwanda.