Mbabazi Shadia wamenyekanye nka Shaddy Boo yatandukanye n’umugabo mushya wari uri kumufata neza

Shaddyboo n’umusore w’Umunyarwanda utuye muri Kenya witwa Manzi Jeannot byamaze kumenyekana ko batandukanye nyuma y’umwaka bakundana ndetse kugeza ubu nta n’umwe ugikurikira undi kuri Instagram.

Ikinyamakuru IGIHE kivuga kibuga Shaddyboo na Manzi bamaze iminsi baratandukanye nubwo atari ibintu bifuje gushyira mu itangazamakuru.

Kuri ubu mu bantu 1936 Manzi akurikira Shaddyboo ntarimo ndetse no mu b’uyu mugore w’abana babiri b’abakobwa akurikira basaga 300, ntiharimo uyu musore yari yarihebeye.

Mu busanzwe Shaddyboo n’umukunzi we ntibajyaga bahisha amarangamutima yabo mu rukundo ndetse bari bakunze kugaragarizanya ko bakundana bifashishije imbuga nkoranyambaga.

Kuba barasibye ubutumwa burimo n’ubwo kugaragarizanya urukundo bigaragaza ko umubano wabo ushobora kuba utifashe neza.

Muri Gicurasi umwaka ushize nibwo Shaddyboo yatunguranye agaragaza ko asigaye afite umukunzi mushya ariwe Manzi Jeannot.