Kubwayo Mc croix
Marcus Rashford, umukinnyi w’ikipe ya Manchester United, ageze mu Butaliyani ku mugoroba wo kuri uyu wa kabiri, aho ategerejwe kugirana ibiganiro n’ikipe ya AC Milan ku bijyanye no kwimurirwa muri iyo kipe. Ibiganiro hagati ya Rashford na AC Milan biteganyijwe gutangira kuri uyu wa gatatu, aho amakipe yombi azaganira ku buryo bwo kumugurisha cyangwa kumugurisha ku nguzanyo.
Rashford, w’imyaka 27, amaze imyaka 20 muri Manchester United, aho yageze ku mikino 427 kandi atsinda ibitego 138. Nyamara, nyuma y’umwanya muto muri iyi kipe, Rashford afite ubushake bwo kubona umwanya uhagije wo gukina, ibintu bitari kuba kenshi muri Manchester United, cyane cyane nyuma y’uko umutoza Ruben Amorim atamushyira mu ikipe y’ibanze mu mikino iheruka.
AC Milan, kimwe n’andi makipe akomeye nka Borussia Dortmund na Juventus, yerekanye inyota yo kumugura, ariko ikibazo cy’umushahara we munini gishobora kubangamira ibiganiro. Rashford, ukiri muto kandi ufite impano ikomeye, yifuza gukomeza umwuga we mu ikipe izamufasha kugarura imikinire ye myiza.
Ibiganiro hagati ya Rashford na AC Milan biracyari mu ntangiriro, kandi amakipe yombi aracyiga uburyo bwo kugera ku masezerano y’ubufatanye. Rashford ashobora kuguma muri Manchester United cyangwa akerekeza muri imwe muri izi kipe zifite inyota yo Ku mwegukana.
