Manchester United yatandukanye n’abakinnyi bifuzwaga n’abamwe mu bafana

Ikipe ya Manchester United isanzwe ukina shampiyona y’ikiciro cya mbere mu Bwongereza yemeje ko yatandukanye n’abakinnyi babiri yari yaratijwe mu kwa mbere barimo Wout Weghorst na Marcel Sabitzer.

Muri Mutarama uyu mwaka nibwo Manchester United yari yaratiye abakinnyi barimo Wout Weghorst yari yaratiye muri Burnley. Uyu mukinnyi Manchester United yari yaramutite ngo aze kuyifasha gushaka ibitego nyuma y’igenda rya Cristiano Ronaldo ariko ntibamujundiye kuko mu mikino 31 yakinnye yatsinze ibitego bibiri.

Manchester United mu itangazo yasohoye yavuze ko nta biganiro bihari byo kuzagumisha Weghorst mu ikipe ko ahubwo azasubira muri Burnley.

Undi mukinnyi Manchester United yatandukanye nawe ni Marcel Sabitzer yari yaratiye muri Bayern Munich. Mu kwezi kwa mbere , United yari yaratiye Sabitzer muri Bayern Munich kubera imvune yari yugarije Christian Eriksen. Uyu mukinnyi nawe yarahageze imvune ziranwigarurira kuko atigeze atanga umusaruro ufatuka. Manchester United yatangaje ko nawe azasubira muri Bayern Munich, nta gahunda ihari yo kumugura.