THIERRY Mugiraneza
Manchester United yakomeje ukwezi kwa buki itsinda AFC Bournemouth ibitego bitatu ku busa.
United ya Ten Hag ikomeje ibihe byiza nyuma y’igikombe cy’isi kuko ubu kuva imikino yagaruka imaze gutsinda imikino ine yose.
Manchester yongeye kubishimangira ubwo yatsindaga AFC Bournemouth mu mukino wabaye mu ijoro ryo kuwa kabiri ubera OT. Ten Hag yari yagaruye Harry Maguire mu kibuga mu gihe abantu benshi bari bamaze igihe bibaza icyo captain azira.
Ibitego bitatu bya Manchester United byatsinzwe na Casemiro ku munota wa 23 ahawe umupira na Eriksen, icya kabiri gutsindwa na Luke Shaw ku munota wa 49 ahawe umupira na Granacho mu gihe Rashford utagisiba gutsinda yaje gutsinda igitego cya gatatu ku munota wa 86 ku mupira mwiza yahawe na Bruno Fernandes.
Manchester United yahamije umwanya wa kane kuko ubu ifite amanota 35 inganya na Newcastle iri ku mwanya wa gatatu ariko Newcastle ikaza imvere kubera ibitego 21 izigamye mu gihe Manchester United izigamye ibitego 7.
