THIERRY Mugiraneza
Manchester United itsinze Manchester City ibitego bibiri kuri kimwe mu mukino w’umunsi wa 20 wa Premier league wabaye kuri uyu wa gatandatu saa munani n’igice ubera Old Trafford kibuga cya Manchester United.
Iminota 10 ya mbere y’umukino yaranzwe no kwigana kwa makipe kuko umukino wakinirwaga hagati mu kibuga.
Erik Ten Hag utoza Manchester United yari yahisemo kubanza mu kibuga De Gea, Wan-Bissaka, Varane, Shaw, Malacia, Casemiro, Fred, Eriksen, Bruno, Martial na Rashford.
Manchester United wabonaga ko gahunda ari ugukina imipira miremire cyane yahindurwaga na Bruno Fernandez ariko Martial kubyaza imipira umusaruro bikaba ibibazo.
Pep Guardiola we yari yabanje mu kibuga Ederson, Walker, Akanji, Ake, Cancelo, Rodrigo, De Bruyne, Bernardo, Mahrez, Foden na Haaland.
Manchester City niyo kipe yabonye koroneli ya mbere mu mukino ku munota wa 20 ubwo Malacia yarenzaga umupira, koroneli City yabonye ntacyo yabyaye kuko bayiteye Casemiro umupira akawukuramo.
Haaland wari witezweho byinshi ku munota wa 25 yihambuye umuzinga w’ishoti ariko Casemiro aragoboka umupira awukuramo akoresheje itako.
Ku munota wa 33 Manchester United yakije umuriro ubwo Marcus Rashford yarobaga umuzamu ariko umupira awuteye Manuel Akanji wakuramo
United yakomezaga ishaka igitego hasi kubura hejuru Rashford yahushije igitego ku munota wa 37 ubwo Eriksen yamuhaga umupira akiruka ariko Ederson akagoboka.
Igice cya mbere cyarangijwe n’ishoti riremereye Walker wa Manchester City yatereye mu kibuga hagati ashaka gutungura David de Gea umuzamu wa Manchester United ariko uca hanze y’izamu.
Igice cya kabiri cyatangiranye n’impinduka ku ruhande rwa Manchester United aho bakuyemo Martial hakinjiramo Antony.
Ku munota wa 50 Manchester United yabonye kufura ariko Eriksen ayiteye Varane basanga yaraririye.
City nayo yabonye amahiwre y’igitego ubwo Debruyne yahinduraga umupira Akanji agatera umutwe awugarura mu rubuga rw’amahina ariko Rafael Varane akawukoraho.
Manchester City yari yacumbitse imbere y’izamu rya United yaje gutsinda igitego ku munota wa 60 gitsinzwe na Grealish ubwo yazamurirwaga umupira na De Bruyne maze agasimbuka agakozaho umutwe.
Ten Hag yongeye gukora impinduka akuramo Eriksen hinjira mu kibuga Granacho.
Ku munota wa 78 Manchester United yatsinzwe na Bruno Fernandes ahawe umupira na Casemiro.
United nyuma yo gutsinda igitego yahise itangira kwatakwa ku buryo bukomeye , ku munota wa 83 Marcus’s Rashford yatsinze igitego ahawe umupira na Granacho.
Umukino urangira Manchester United itsinze ibitego bibiri kuri kimwe ihata ifata n’umwanya wa gatatu ku rutonde rw’agateganyo.
