THIERRY Mugiraneza
Ikipe ya Manchester City yasubije Premier League n’abanyamategeko bayo bayikangisha kuzayikura muri shampiyona cyangwa kiyifatira ibihano.
Kuri iki gicamunsi ni bwo amakuru yagiye hanze avuga ko Manchester City ishobora gufatirwa ibihano bikomeye cyane. Ubuyobozi bwa shampiyona y’icyiciro cya mbere mu Bwongereza, bubinyujije ku rubuga rwabwo, bwavuze ko iyi kipe ishinjwa uburiganya mu bijyanye n’imitungo yinjije n’iyo yasohoye mu gihe cy’imyaka kingana n’imyaka 9.
Batangaje ko ibi byatangiye mu mwaka wa 2009 ubwo iyi kipe yatozwaga n’umutayilani Roberto Manchini, bikomeza no mu yindi myaka y’imikino.
Ikindi Manchester City ishinjwa ni uko yaba yaragiye ibeshya imishahara ihemba abakinnyi bayo ugasanga ibahemba amafaranga menshi cyangwa ikabagura menshi, ariko igatangaza amafaranga macye.
Manchester City n’ayo yagiye ku mbuga nkoranyambaga zayo itangaza ko yatunguwe n’ibyo birego ndetse ko ihaye ikaze abazaza mu iperereza ariko bakaza ari komisiyo yigenga.
Imwe mu mirongo iri mu itangazo Manchester City yasohoye yagize it ” Manchester City FC yatunguwe n’ibitego buvuga ko yarenze ku mabwiriza ya Premier League”. ” Ikipe ihaye ikaze abazaza mu iperereza ariko bakaza ari komisiyo yigenga”.
