Lorenzo umaze amezi 7 yirukanywe kuri RBA azira kwaka icupa byagenze gute kugira ngo yongere kwemerwa kugaruka?
Musangamfura Lorenzo wamenyekanye kuri RBA byumwihariko kuri Radio Rwanda mu kiganiro urubuga rw’imikino yongeye kugaruka nyuma yo gutakamba asaba imbabazi avuga ko ibyo yakoze byo gusaba icupa byari urwenya.
Ni mu biganiro bitandukanye yagiye akora agerageza kumvisha abantu ko ibyo yakoze nta cyari kibyihishe inyuma usibye urwenya rusanzwe rukoreshwa ku mbuga nkoranyambaga.
Nyuma yo kubona ko koko uyu musore nta nabi yari agamije ubuyobozi bwa RBA bwamukomoreye bumwemerera kugaruka mu nshingano ze byumwihariko mu kiganiro urubuga rw’imikino ndetse n’ibyegeranyo byuje ubuhanga yakoraga.
Mu mafoto yashyize hanze yongeye kwishimira kugaruka mu muryango mugari wa RBA nk’uko byahoze.
