Liverpool ntiyahuriye n’ibibazo mu kibuga gusa kuko no mu nzira abakinnyi bayo batewe amabuye -AMAFOTO

Imodoka itwara abakinnyi ba Liverpool yatewe amabuye ubwo bavaga gutsindwa na Manchester City mu mikino yo ku munsi wa 29, muri Shampiyona y’ikiciro cya mbere mu Bwongereza.

Ku munsi w’ejo nibwo Premier League yasubukuwe nyuma y’uko hari hamaze iminsi hakinwa imikino y’amakipe y’ibihugu, ku ikubitiro saa saba n’igice habaye umukino ukomeye Manchester City yakira Liverpool ku kibuga Etihad.

Mohammed Salah wa Liverpool niwe wafunguye amazamu ndetse aba anakojeje agati mu ntozi, bituma batsindwa ibitego 4 mu buryo bwihuse.

Ibi bitego bya Manchester City byatsinzwe na Julian Alvarez, Jack Grealish, Kevin De Bruyne na Ilkay Gündogan.

Abasore ba Liverpool ntabwo bahuriye n’ibibazo mu kibuga gusa, kuko no mu nzira bataha batewe.

Nk’uko ikinyamakuru The Athletic cyabyanditse imodoka yabo yatewe amabuye irangirika ndetse n’ibirahure birameneka, ariko ikiza ni uko nta mukinnyi wahahuye n’ikibazo gikomeye.