THIERRY Mugiraneza
Ikipe ya Liverpool yatsinzwe na Brentford ibitego bitatu kuri kimwe mu mukino w’ umunsi wa 18 wa Premier League.
Uyu mukino watangiye saa moya n’igice ku isaha ya Kigali mu ijoro ryakeye, wagiye kuba aya makipe yombi ahagaze neza dore ko yose yaherukaga gutsinda imikino yose bari bakinnye mu mpera zi cyumweru.
Umutoza wa Brentford utari ufite rutahizamu we Ivan Toney yari yahisemo kubanza mu kibuga abakinnyi nka David Raya; Roerslev, Zanka, Mee, Pinnock, Henry; Norgaard, Janelt, Jensen; Mbeumo, Wissa.
Brentford nk’ikipe yerekanye ko ishobora amakipe makuru , yatangiye ihabya Liverpool kuko bidatinze ku munota wa 19 Ibrahim Konate yitsinze igitego cya mbere ubwo yakoraga ku mupira waruhinduwe na Jensen wa Brentford.
Abakinnyi 11 ba Liverpool Kloop yari yahisemo kubanzamo Alisson; Alexander-Arnold, Konate, Van Dijk, Tsimikas; Fabinho, Elliott, Thiago; Salah, Darwin Núñez, Oxlade-Chamberlain.
Yoanae Wissa wari wazonze ubwugarizi bwa Liverpool yatsinze igitego ku munota wa 40 ariko VAR iracyanga ivuga ko uwo musore yagitsinze yabanje kurarira.
Bidatinze ku munota wa 42 Wissa yaje kongera gukosora Liverpool ku munota wa 42 ubwo yatsindwaga igitego n’umutwe ku mupira waruhinduwe na Jensen.
Igice cya mbere cyarangiye Brentford ihannye Liverpool ibitego bibiri kuri kimwe.
Jurgen Kloop yatangiye igice cya kabiri akora impinduka kuko yakuyemo Virjir Van Djik, Tsimikas na Elliot akinjizamo Matip, Robertson na Keita.
Impinduka za Kloop zatanze umusaruro kuko Darwin Nunez by’ibuze yabonye igitego ku munota wa 48 ariko VAR iracyanga ngo Nunez yagitsinze yabanje kurarira.
Brentford idakina yaje gutera umusumari wa gatatu muri Liverpool ku munota wa 84 ubwo Mbeumo yatsindaga igitego ahawe umupira na Norgaard.
Umukino urangira Brentford inyabitse Liverpool ibitego bitatu kuri kimwe, akazoza ka Kloop gakomeza kubera ihurizo abantu.
