Epaphrodite Nsengimana
Nyuma yuko Lionel Messi afashije gutwara igikombe cy’isi ikipe ye Argentina batsinze Ubufaransa kuri Penariti 4-2, doreko iminota 90 yashize banganya ibitego 2-2, nanone kandi indi minota 30 bose batsindana igitego 1 maze biza kurangira banganyije ibitego 3-3 maze biyambaza Penariti.
Nyuma yo kwegukana Igikombe cy’isi, Lionel Messi aganira n’ikinyamakuru Tyc Sports yagize ati “ Gusezera mu ikipe y’igihugu oya. Ndashaka gukomeza gukina nkuko nakinnye igikombe cy’Isi nambaye umwambaro wa Argentine.
Ntabwo byoroshye kubyizera. Numvaga Imana izampa iki gikombe ni ibyishimo by’agahebuzo.
Nari mfite izi nzozi igihere kirekire nifuzaga kuzasoza Career yange mfite iki gikombe. Ntabwo nifuza ibirenze ibi.”
Aya magambo yashimishije abakunzi ba Argentina bumvaga ko aramutse asezeye muri iyi kipe baba bahombye umukinnyi w’inkingi ya mwamba.
Ibi yabivuze nyuma yuko yari yaratangaje ko uyu mukino wanyuma w’igikombe cy’isi azaba ariwo akinnye bwa nyuma.
