Geovanis
Ishyirahamwe ry’umupira w’amaguru muri Spain rizwi nka La Liga, ryareze amakipe arimo agura abakinnyi ku mafaranga menshi bikaba byatuma babura abakinnyi bashobora guhita bigira muri ayo makipe ahemba neza.
Mu makipe yarezwe harimo Paris Saint Germain yanatwaye Mbappe real Madrid yifuzaga cyane ariko bikarangira Mbappe yigumiye i Paris ku kayabo k’amafaranga yahawe n’ikipe ya PSG bikarangira ahise ahaguma.
Ikipe yindi yarezwe kandi ni ikipe ya Manchester City yo iheruka kugura Jack Grielish waguzwe £100m ndetse bakaniyongeza Halland nawe wifuzwaga bikomeye n’ikipe ya Real Madrid.
Ibi bivuze ko, La Liga irimo kugenda isenywa gake gake nyuma y’uko Cristiano Ronaldo ahavuye, Messi akagenda, Zinedine Zidane nawe akagenda, ubushongore n’ubukaka bwa La Liga bwahise busubira hasi.
Ku rwego rwo gushaka niba basubirana ubushongore, bareze aya makipe afite amafaranga menshi cyane kugira ngo ahanwe ndetse areke kugura abakinnyi ku mafaranga angana gutyo.
