Kutareba umupira w’amaguru biragatsindwa!! Biratangaje ibyabaye kuri uyu mugore (AMAFOTO)

Umugore wo mu gihugu cya Nijeria witwa Oreoluwa  ariko utuye mu gihugu cya Brazil, yavuze inkuru y’uburyo yahuye n’umukinnyi w’Umunyaburezile Marcelo, bagafatana ifoto y’urwibutso ariko mu byukuri atazi ngo nide bari kwifotozanya.

Uyu mugore abinyujije ku rubuga rwa twitter yavuze ko ubwo yari mu gihugu cya Brazil yagiye kureba  filime mu nyubako nini isanzwe yerekanirwamo filime ,ariko yageramo agasanga hari icyamamare abantu bashungereye bari kwifotorezaho ,nawe agahitamo kujya kwifotoza ariko atazi ngo ninde bari kwifotozanya.

Nyuma ngo nibwo uyu mugore yaje kuvumbura ko uwo barikumwe yari rurangiranwa mu mupira w’amaguru Marcelo , avuga ko byamubabaje ariko kandi ko atari kubasha kumenya ngo ninde barikumwe  kandi mu byukuri atarigera areba umupira w’amaguru mu buzima bwe.

Uyu mugore yasoje avuga ko asaba imbabazi uyu mukinnyi ndetse n’abakunzi be ,kubwo kutabasha kumumenya.