Ku nshuro ya kabiri, Nyampinga w’U Rwanda agiye kwerekeza mu marushanwa ya Nyampinga w’isi (Miss World)

Miss Iradukunda Elsa byitezwe ko azazenguruka umugane w’Uburayi aho azaba ajyanywe no kwamamaza ibikorerwa mu Rwanda.

Nyuma yo kuva muri Miss World 2017 izaba irangiye tariki 19 Ugushyingo 2017 Miss Rwanda azahita asubira ku mugabane w’Uburayi aho ateganya kumara nanone ikindi cyumweru, mu mpera z’uku kwezi k’Ugushyingo 2017 Nyampinga w’u Rwanda azahita agaruka mu Rwanda. Bivuze ko agiye kumara hafi amezi abiri atari mu Rwanda.

Mu bihugu by’u Burayi azanyuramo yamamaza ibikorerwa mu Rwanda harimo Ubudage, Ubufaransa, Ubuhorandi, Sweden, Ububiligi n’ahandi henshi uyu mukobwa azagenda anyura yamamaza ibikorerwa mu Rwanda (Made in Rwanda).

Ibi bivuze ko uyu mukobwa azahaguruka mu Rwanda tariki ya 24 Nzeli 2017  akazahita yerekeza ku mugabane w’Uburayi mu bihugu twavuze haruguru aho azava mbere gato ya tariki 15 Ukwakira 2017 yerekeje muri Miss World 2017 akazavayo nyuma ya tariki 19 Ugushyingo 2017 ubwo Miss World izaba irangiye.

Source: inyarwanda