Jennifer Lopez n’umukunzi we bakuye mu rujijo abibazaga ko bagiye gukora ubukwe mu minsi ya vuba (inkuru irambuye)

Umuhanzikazi Jennifer Lopez wamenyakanye cyane ku isi yose kubera indirimbo zitandukanye yagiye ahimba zigakundwa cyane ndetse n’ibitaramo bitadukanye yakoreye hirya no hino ku isi bigatuma yigarurira imitima y’abantu benshi akegukana atyo umubare w’abafana benshi, ku munsi w’ejo we n’umukunzi we ariwe Alex Rodriguez bakuye mu rujijo abatekerezaga ko aba bombi bagiye gukorana ubukwe mu minsi ya vuba.

Nkuko tubikesha eonline, Alex Rodriguez yatangaje mu kiganiro yagiranye n’abanyamakuru ko adateganya gukora ubukwe na Jennifer Lopez gusa yavuze ko akunda ukuntu abanye na Jennifer Lopez ndetse yongeyeho ko anishimira cyane kuba amufiteho nk’umukunzi.

Mu magambo ye bwite, Alex Rodriguez yagize ati: “Jennifer’s amazing. It’s nice, it’s nice. You’re gonna make me blush now! Now I’m sweating. No, she’s an amazing girl”. Bigaragara cyane ko yishimiye ukuntu abanye na Jennifer Lopez nubwo atigeze yemerera imbere y’itangazamakuru ko ateganya kuzamushyira mu mago.