Ku myaka 18 y’amavuko uyu mukinnyi agiye guca agahigo ka Paul Pogba nk’umukinnyi uhenze mu mateka ya Football

Umwaka ushize Paul Pogba yaciye agahigo k’umukinnyi waguzwe amafaranga menshi mu mateka y’umupira w’amaguru ubwo yagurwaga na Manchester United avuye muri Juventus akayabo ka miliyoni 105 z’amayero gusa nyuma umwaka umwe gusa aka gahigo gashobora kuba kagiye gukurwaho n’umwana w’imyaka 18 gusa.

Nkuko ikinyamakuru The Sun cyo mu bwongereza kibitanga ngo ikipe ya Manchester City yiteguye gutanga akabayabo ka miliyoni 130 z’amayero kugirango ibashe kuba yagura rutahizamu wa As Monaco, kylian Mbappe ukomeje kugenda yigaragaza mu mikino ya Champions league.

Si Man City gusa yifuza kugura Mbappe kuko ikipe ya Man U nayo ngo yagergeje kuba yamugura kuri miliyoni 85 maze bayitera utwatsi. Uyu mwana ngo Monaco ntishaka kumuerkura munsi ya miliyoni 120 z’amayero.