M.Ben
Biravugwa ko umusore w’imyaka 25 yapfuye azize ibikomere yagize nyuma yo gukubitwa na sebukwe.
Godfin Kipkirui Kirwa yatewe na sebukwe nyuma y’amakimbirane yo mu rugo yagiranye n’umugore we akaba n’umukobwa wa Kiprotich Keter (Sebukwe)
Godfin yapfiriye mu bitaro bya Kericho County aho yahise ajyanwa nyuma yo gukomeretswa kugira ngo avurwe. Nkuko raporo ya Polisi ibivuga.
Ati: “Godfin Kipkirui yapfuye ubwo yari ari kwivuriza mu bitaro bya Kericho County aho yari yahise ajyanwa nyuma yo gukomeretswa bikomeye mu mutwe nyuma yo gukubitwa na sebukwe Kiprotich Keter. Kipkirui yari afitanye ibibazo n’umugore we.”
Umurambo wa nyakwigendera washyizwe mu buruhukiro bw’ibitaro utegereje ko hakorwa autopsie. Ku rundi ruhande, ukekwaho icyaha, yarafashwe ashyirwa mu buroko bikaba biteganijwe ko azashyikirizwa urukiko.
